Zaninah LG Independence Cup khuh hawnna

LG Independence Cup chu July 27 atangin khelh ṭan a ni dawn a, zanin hian a hawnna hun hman a ni ang a, Jeje Lalpekhlua'n a hawng ang.

Zan dar 7:30-ah Hotel Regency-ah 'LG Independence Cup Launch' hi neih tur a ni a, he hunah hian team tel tur 10-te hming puan chhuah a ni bawk ang. July 25 zanah hian team 10-te inkhelh dan tur tie draw neih nghal a ni dawn a, August 15-ah final hi khelh a ni ang.

LG aṭangin Marketiang Head Amit Gujral a lo tel dawn a, LG Independence Cup trophy tur pholan a ni ang. Press conference-in a zui nghal bawk dawn a ni.

Independence Day Football hi hmeichhe tan pawh buatsaih a ni dawn a, hmeichhe team-te hak tur LG Electronics lamin an tumsak jersey chu Miss Mizoram 2018 T. Ramthanmawii'n a tlangzarh ang.