Usmanov-a'n Arsenal 30% hralh duh

Uzbekistan sumdawng hausa Alisher Usmanov chuan Arsenal-a share a neih 30% chu hralh a remti dawn niin The Financial Times chuan an tarlang.

Usmanov hian Arsenal-ah hian neitu nihna pumhlum neih a duh a, club-a share ngah ber Stan Kroenke hnenah a share neih 67% chu pound maktaduai 990-in lei a dil tawh.

Mahse, American sumdawng hausa Kroenke hian a share hi a hralh phal lo a, Gunners neitu nihna hi a neih pum hlum theih dawn loh rau rau chuan 30% hi hralh a duh zawk a ni.

Tun hma aṭang tawhin Usmanov leh Kroenke hian club chhungkuaah chanchin an lo nei fo tawh a, dollar tluklehdingawn 15 chuang nei Alisher Usmanov hian neitu pumhlum nihna neiha transfer bazar-a chet 'nat' a duh niin an sawi.