Asian Cup 2019 ticket zuar dawn

AFC Asian Cup 2019, Dubai-a neih tur atan ticket chu July 30-ah zawrhchhuah a ni dawn a, AFC House, Kuala Lampur-ah Thawhṭanni khan AFCgeneral secretary Dato Windsor chuan Local Organising Committee (LOC) director H.E Aref Hamed Al Awani nen ticket replica an tlangzarh.

UAE-a neih tur inelnaah hian team 24 an inlan dawn a, India chu inlan tur zingah hian an tel. FIFA ranking-a 97-na ni mek Blue Tigers hi Group A-ah inelna thlengtu UAE, Bahrain leh Thailand te nen an awm ho dawn a ni.

India chuan October hian inelna atana inbuatsaih nan Asian football powerhouse Saudi Arabia leh China chu friendly match an khelhpui dawn a, ram pahnih nena an intawn hun tur ni tak erawh tihchian a la ni lo thung.