Leeds legend Madeley a thi

English club langsar ni ṭhin Leeds United legend leh England international hlui Paul Madeley chu kum 73 mi niin a thi a, a vanglaiin England tan vawi 24 a inlan hman.

Paul Madeley hi Leeds United-in 1969 leh 1974-a First Division League nomawi an chawi khan player pawimawh pawl a ni a, 1972-ah khan FA Cup-ah an champion ve bawk.

Leeds United chuan, "Leeds legend Paul Madeley thihna hian min ṭhawng takzet a, a kalsan tak a chhungte leh a ṭhiante kan hre reng a ni," tia thuchhuah siamin an legend hi an thlah.