Tourney pahnih khel tur Serena

World number 1 Serena Williams chuan fa a neih hnuah ṭha takin tennis a khel thei tawh a, chutih rualin inelna zawng zawng erawh hmachhawn a tum lo. American nula hian US Open khelh hmain tournament pahnih chiah khelh a tum thu a sawi.

Kum 36 mi Serena hian Rogers Cup lam aṭangin wildcard a hmu a, Montreal-a khelh turah hian a inlan zui bawk ang. Hei bakah hian San Jose, California-a khelh tur Mubadala Silicon Valley Classic-ah a inlan dawn bawk.

Rogers Cup hi August 3 aṭanga khelh ṭan tur niin, inelna buatsaihtu lam chuan Serena-i hnena wildcard an pek thu hi Thawhlehni khan an puang chiah a, Grand Slam vawi 23 champion tawh Serena tan chanchin lawmawm a ni.

Serena hi a inkhelh loh rei avangin ranking-ah 181-na a ni hman a, mahse Wimbledon final a khelh phak leh tawh avangin 28-na a ni leh tawh. Tun season chhunga Grand Slam hnuhnung ber tur US Open hi 2014 hnua a vawi khat nan khelh leh a tum a, an rama khelh ṭhin a nih avangin beiseina pawh a nei sang.