Premier League tibuaitu Covid-19

Covid-19 hri leng vangin kartawp inkhel 10 awm tura panga chu khelh theih a ni dawn lo. Hri leng vangin kar laihawla khelh tur Brentford vs Manchester United, Burnley vs Watford leh Leicester City vs Tottenham te chu khelh theih a ni tawh lo a, kar liam ta khan Brighton leh Spurs inkhelh tur ṭulh a ni tawh bawk.

Hri leng vanga Premier League match khelh theih loh zat hi match kua ngawt a ni a, vur tlak vanga Spurs leh Burnley te inkhel tur chhiar tel phei chuan match 10 ngawt khelh a ni tawh lo.

Tunkara match khelh theih loh turte chu Man United vs Brighton, Southampton vs Brentford, Watford vs Crystal Palace, West Ham Vs Norwich leh Everton Vs Leicester te an khel thei dawn lo.

Premier League hian inkhelh ṭhulh danah kalphung nghet tak an la nei lo a, positive-in team a nghawng dan a zirin thutlukna siam a ni ṭhin.

Positive paruk an awm pawhin inkhelh sawn a ni lo thei a, chutihrualin postive pathum chauh pawh awm se goalkeeper vek an nih chuan sawn ngei tur a ni bawk.