Infiamna lama Lunglei hmasawnna tur sawiho

Ningani khan Lunglei District Sports Committee (LDSC) hnuaia Sports Association hrang hrangte chuan Abel Resort, Pukpuiah meeting pawimawh tak an nei.

Meeting hi KT Nghawra, chairman, LDSC chuan kaihruaiin LDSC Secretary K. Lalrinawma’n an kalkhawm chhan sawifiahin report a pe bawk.

He hunah hian Association hrang hrang ten achievement report pein district huap leh state huap anga infiamna huanga hmasawnna tur hrang hrang sawiho a ni a. Association aiawh kalkhawmte hian an harsatna hrang hrangte sawi chhuakin chung an harsatna leh hmachhawpah te chuan LDSC anga hmalak tura tih a ni.

Lunglei District Sports Committee hnuaiah hian Association hrang hrang 32 an inziak lut a, heng zinga association 28 chu nung takin an kal.