Covid-19 vangin inkheh hun sawn

Pakistan leh West Indies ten ODI series an khelh tur chu mikhual team Windies team zingah Covid-19 kai pakua an hmuh belh avangin a hun sawn a ni.

Hri leng kai thar zingah hian batter Shai Hope, left-arm spinner Akeal Hosein leh all-rounder Justin Greaves te an tel a, assistant coach Roddy Estwick leh team physician Dr Akshai Mansingh te pawh an tel.

Pakistan leh West Indies ten T20 series an khel zo chiah a, Shaheens hi 3-0 in an chak. ODI match khelh tur hi Cricket World Cup awm leh tur atan point a ken tel avangin Windies hian inkhelh hun sawn an dil a, June 2022-ah sawnsak an ni ta a ni.