PSG kingpui tur SC Feignies

Tunkar tawpah Ligue 1 khelh a ni dawn lo a, Coupe de France khelh a ni thung ang. French Cup-ah hian champion lai Paris Saint-Germain chuan December 19, Pathianni zan dar 1:40-ah SC Feignies an hmachhawn dawn.

Coupe de France hi kum 1917 aṭanga khelh ṭan kha a ni a, kum 104-a upa a ni tawh. PSG-in tun hnaiah record an nei ṭha a, vawi 14 champion tawhin record an nei ṭha ber.

PSG hi kum 2015 aṭang khan vawi ruk an champion tawh a, kum 2019-ah Rennes lakah final-ah an vanduai tih loh chu nomawi an chawi vek.

Inelnaah hian team 7,307 zet an tel a, June 27 aṭang khan an khel ṭan tawh. Ligue 1 club hi round of 64 aṭangin an tel ṭan chauh a, PSG tan champion nawn turin vawi ruk chak a ngai a dawn a ni.