Group khatah Germany, Italy leh England

UEFA Nations League draw chu Ningani zankhan Nyon, Switzerland-ah pawh a ni a, group 3-ah Europe ram ṭha Italy, Germany leh England bakah Hungary te an awm.

Nations League vawi thumna hi nakkum June 2 leh September 27 inkara khelh tur a ni a, FIFA World Cup atana inpuahchahna ṭha tak a ni thei ang.

UEFA hian ram inelnain ngaihhlut a hlawh tawk loh avangin Nations League hi an buatsaih a, Europe-a ram 55 chu an ṭhat dan milin league pathumah an ṭhendarh.

League A-ah ram ṭha an awm khawm a, group paliah ṭhen niin a sang ber ṭheuh playoff khel turin an tling. Champion tur zawnna playoff hi June 14-18, 2023 ah khelh a ni leh thung ang.