Jose Mourinho-a'n champion a sawi duh lo

Manchester United manager Jose Mourinho chuan Premier League nomawi chawi theih a inrin leh rin loh chungchanga zawhna a chhang duh lo a, "I zawhna ka chhang lo ang," tiin he zawhna petu journalist chu a chhang.

Mourinho hi champion chungchang a sawi duh loh chhan sawi tura ngen ni mah se press confereence-ah a ngawi tlat a, a ṭawng duh lo! United hian season hman zawh tak kha league-a pahnihna nichungin an khar a, FA Cup final thleng mah se an tlawm bawk.

United hian nipui transfer-ah player pathum lalut tawhin pound maktaduai 47 man midfielder Fred chu an insum insen natna ber a la ni a, pound maktaduai 19 man Diogo Dalot leh Stoke City aṭangin goalkeeper Lee Grant an lalut tawh bawk–Mourinho chuan player pahnih lei belh a la duh thu a sawi.

Red Devils hian pre-season friendly match-ah AC Milan chu 1-1 a an inhnehtawkpui hnuin penalty hmangin 9-8 in an hneh. United tan Alexis Sanchez chuan goal hmahruai khung mah se Milan hian Suso hmangin an sut.

Player inlan
MANCHESTER UNITED: Grant (Pereira 45), Darmian, Smalling, Bailly, Shaw (Fosu-Mensah 74), Tuanzebe, McTominay, Herrera, Mata (Hamilton 88), Pereira, Sanchez
AC Milan: Donnarumma (Reina 61), Abate (Antonelli 61), Musacchio, Bonucci (Romagnoli 45), Calabria, Kessie, Locatelli (Jankovic 60), Bertolacci (Borini 45),
Suso, Cutrone (Kalinic 75), Calhanoglu