Ferrari boss hlui Marchionne a thi

Formula 1 team Fer­rari boss hlui Sergio Mar­chionne chu Nilaini zan khan Zurich damdawi inah a thi a, kum 66 mi niin a dar na an zai hnuah ṭhat ni hmel a hmu leh ta lo a ni.

Kum 66 mi Marchion­ne hian 2014 aṭang khan Ferrari-ah president nihna a chelh a, a sumdawnna zauh zelin Fiat leh Ferrari-ah chief executive officer a ni rei hle. Mahse, a hrisel lohna vang hian John Elkann leh Louis Carey Camilleri te chuan a dinhmun hi an lo luah sak tawh.

Ferrari chairman El­kann chuan, "Kan duh loh leh kan hlauh chu a rawn thleng, Sergio Marchionne chu a fam ta. Kan ṭhian leh hna thawhpui chu a awm ta lo a, a hnathawh ropui leh chhinchhiah tlak tak tak hi hriatreng a ni tawh ang," tiin a sawi.