India tan Mizoin gold dawng

Thailand Open Ka­rate Championship khelh zawh takah India aiawh a feh chhuak David Lalrinchhana chuan sub junior huangah gold medal a hlawh chhuak a, he inelnaah hian Mizo player dang David Ramdinmawia chuan silver a dawng ve bawk.

Haumark Indoor Stadium, Bankok-a inelna neihah hian ram hrang 37 aṭangin player 1780 an inlan a, India hian a pumpuiah gold pali leh silver pathum bakah bronze medal panga an dawng. All Mizoram Ka­rate Association player ten tun hma aṭangin ramchhung leh ram pawnah medal an dawng fo tawh a, tunah hian 2020 Tokyo Olympic-a inlan ngei tumin chak taka hmalak mek a ni.