BCCI Senior Tournament Committee-ah Mizo

India rama cricket thuneitu sang ber Board of Control for Cricket in India (BCCI) chuan a hnuaia committee hrang hrang awm tur a siam rem. Senior Tournament Committee-ah Mizo pa Lalroṭhuama chu an ruat.

BCCI hian hmanni deuh khan Kolkata-ah Annual General Meeting vawi 90-na a nei a, term thara a hmalakna turte relin hemi zul zui hian committee peng hrang hrang a din nghal a ni.

Cricket Association of Mizoram (CAM) honorary secretary Mamon Majum-dar chuan, "Senior Tournament Committee a member kan nei hian BCCI president leh secretary ten kan state min rinzia chiang takin a tilang."

"Kolkata-a AGM kan neihin president in min râwn a, chutah chuan Lalrothuama hi ka kawhhmuh. Member atana an ruat hi ka lawm hle a, CAM tan chawimawina sang tak a ni. Duhsakna sang ber ka hlan a, BCCI laka kan hming ti thatu a nih zel hi ka rindan a ni," a ti.