Abu Dhabi-ah Rublev chungnung

Mubadala World Tennis Championship chu nimin khan khelh zawh a ni a, mipa inelna lamah Andrey Rublev chuan world number 1 hlui Andy Murray lakah 6-4, 7-6 (7-2) a hnehna changin a champion.

Kum 24 mi Rublev hian set hnih an khelh chhungin hnufual leh chetsual lian tham lutuk a nei lo. A khingpui Murray hi a vanglai liam tawh a nih avangin Russian star hi champion tura phu leh khel ṭha zawk a ni.

Exhibition match-ah hian Rafael Nadal pawh a inlan. Spanish star hi a hliam dam hnua a inkhelh lehna hmasa ber a ni a, a match hmasa berah Murray hi hneh loin a zinkawng a tawp.

January thla chawhnu lam aṭangin Australian Open khelh a ni dawn. Season thara Grand Slam hmasa ber khel tur hian player hrang hrang chuan inbuatsaihna an nei chho mek a ni.