YouTube star-in UFC champion hlui a hneh

YouTube star Jake Paul chuan Pathianni zing khan UFC champion Tyron Woodley chu thla li chhunga a vawi hnih nan a hneh. Tampa, Florida-a boxing match-ah hian Paul hian round ruknaah Woodley hi a knockout.

Kum 24 mi Jake Paul hi Tommy Fury nena inhnek turin ruahmanna siam ni mah se Fury hi a nakah hliam a neih bakah a damloh avangin Woodley nen hian a ṭum hnih nan an inhmachhawn. Tommy hi heavyweight champion Tyson Fury nen pa hmun an ni.

Paul chuan, "Woodley hi legend a ni a, kar hnih chiah inhnek tura inpuahchahna hun a nei chungin a inpeih hman a, ka dahsang hle," tiin a sawi. YouTube aṭanga khawvel hriat lar Paul hian professional vawi nga a hmachhawnah hnehna a la chang vek a ni.