Archery national judge-ah Mizo

Archery Association of India chuan Inrinni khan archery national judge thlan thar mi 11 an puang a, Mizo pa H. Lalremliana a tel. Judge thlanchhuahte hi National Championship-ah pawh judge atan hman an ni ang.

Judge Seminar East & North East Zone 2021 chu September 29 leh October 1, 2021 chhung khan Jamshepur-ah seminar neih a ni a, mi 40-in an chhim. Mi 40 aṭang hian an ti ṭha 11 an thlang chhuak a, ITI veng H. Lalremliana hi a tel. Archery Association of Mizoram chuan thuchhuah siamin accredited national judge an nei chu chu lawmawm an ti hle.