Thunder chak laiin Warriors chak lo

Nimin zing NBA regular season inkhelah Oklahoma City Thunder chuan Shai Gilgeous-Alexander hmangin hnehna an chang a, inkhel dangah Golden State Warriors leh Brooklyn Nets te erawh an chak lo.

Hun tawp hma chiaha Gilgeous-Alexander-a 3-points neih hmangin Thunder chuan Los Angeles Clippers chu 104-103 in an hneh, season kal laia vawi kua an chakna chauh a nih avangin Thunder tan chak hi a hlu.

Inkhel dangah Warriors chu Toronto Raptors lakah 119-100 in an chak lo. Golden State hian tun hnai ni riat chhungin match nga an khelh a ngai a, guard Stephen Curry leh a ṭhiante an chau tih a lang.

Eastern Conference hmahruaitu Brooklyn Nets pawh hri leng vangin an buai. Nets hian hri leng leh a kaihhnawih vangin player 10 ngawt an chhawr thei lo, inlan lo zingah player ṭha Kevin Durant pawh a tel.

Nets hi Toronto Raptors lakah 119-100 in an chak lo, vawi kua an tlawmna ni mah se ṭum 21 an chak tawh avangin Eastern Conference lamah chuan hma an la hruai chhunzawm.

NBA Results
New York Knicks 107 - 114 Boston Celtics
Cleveland Cavaliers 119 - 90 Milwaukee Bucks
Orlando Magic 100 - 93 Brooklyn Nets
Washington Wizards 109 - 103 Utah Jazz
Golden State Warriors 100 - 119 Toronto Raptors
LA Clippers 103 - 104 Oklahoma City Thunder