India hmeichhe team zin chhuak

August 1-6 inkara khelh tur COTIF Tournament-a inlan turin India football hmeichhe team chu an zin chhuak a, tun hi Indian football chanchina Europe-a inkhel tura hmeichhe team an zinchhuah hmasak ber a ni.

November hian Olympic qualifier khelh a ni dawn a, India hmeichhe team hian he hun atana inbuatsaih nan hian Europe lam hi an pan a ni. Tournament hi Spain-ah khelh tur niin Fundacion Albacete, Levante U.D leh Madrid C.F. te nen an khel ho ang.

India goalkeeper Aditi Chauhan chuan, "AIFF leh Sports Authority of India (SAI) thawhhona avangin Europe-ah kan kal thei dawn a, hei hian rilru huaisenna lamah nasa takin min pui dawn a ni," tiin a sawi.

Kum 25 mi Aditi Chauhan hi West Ham United hmeichhe team tan pawha lo khel tawh a, 2015-16 season chhung kha Hammers-ah hian chamin tunah erawh India Rush tan a khel mek.

India Squad
GOALKEEPERS: E. Panthoi Chanu, Aditi Chauhan, O. Roshni Devi.
DEFENDERS: L. Ashalata Devi, Manisha Panna, Th. Umapati Devi, Jabamani Tudu, Dalima Chhibber, Ng. Sweety Devi.
MIDFIELDERS: Sangita Basfore, Sanju, I. Prameshori Devi, M. Mandakini Devi, Indumathi Kathiresan.
FORWARDS: Y. Kamala Devi, Anju Tamang, N. Ratanbala Devi, Ng. Bala Devi, Dangmei Grace, R. Sandhiya Ranganathan.
HEAD COACH: Maymol Rocky.