Mizoramin medal pali hlawh chhuak

Senior National Muaythai Championship 2021 neih zawh takah, Mizoram chuan gold medal pakhat, silver medal pakhat leh bronze medal pahnih, a vaiin medal pali an hlawh chhuak.

Khuman Lampak Complex, Imphal-a inelna neihah Mizoram hian player pali a tir chhuak a, an vaiin medal an la vek tihna a ni. George Lalmuanawma (-65kg) chu a telna huangah a champion.

Gold medal latu Lalmuanawma hi tun thlatira neih Mizoram State Muaythai Championship-ah 'Best Fighter' atan thlan a lo ni tawh. Paul HD Lalremruata'n silver medal a lak bakah, Lalhriatpuia leh Lalrinnungi te chuan bronze medal an la ve bawk.

Senior national Muaythai Championship-ah hian a pumpuiah Assam an ti ṭha ber. Gold medal 10, silver medal 10 leh bronze medal 14, a vaiin medal 34 an dawng.