Palmeiras coach thar Luiz Felipe Scolari

World Cup 2002-a Brazil champion puitu Luiz Felipe Scolari chuan a club hlui Palmeiras chu a vawi thum nana enkawl turin a pan a, kum hnih chhung atan contract a ziak.

Kum 69 mi manager hian 1997-2000 inkar khan Palmeiras hi a lo enkawl tawh a, 2010 khan kum hnih dang enkawl turin Brazilian Serie A club-ah hian a kir leh bawk.

Kum 2014-a Brazil-in World Cup an thlen khan an ram team enkawl turin a kir leh a, mahse champion zui ta Germany nen semifinal-ah intawngin 7-1 ngawtin an tlawm.

Scolari hian 2009 pawh khan Chelsea a lo enkawl ve tawh a, thla riat chauh a enkawl hman tihin Premier League club hian an ban. Manager hna a thawhna hnuhnung ber chu Chinese Super League club Guangzhou Evergrande-ah niin November 2017 hnuah club enkawl a nei lo.