Spurs comeback a thamral

Pre season friendly match inkhel hmuhnawmah Tottenham Hotspur chu Barcelona lakah an 'comeback' dawn niin lang mah se penalty-ah an tlawm zui a, an vanduai.

Barcelona tan Munir El Haddadi-a'n goal hmahruai a khung hnuah Barca player thar Arthur Melo chuan Catalan club tana a match hmasa berah goal khungin 2-0 in hma an hruai.

Barca goal khung hi first half minute 30 chhungin a ni a, awlsam takin an chak dawn niin a lang. Mahse, chawlhlawk hman hnuah Spurs-in an zia an chhuah a, Heung-min Son leh Georges-Kevin N'Koudou hmangin si phurh an sut zo.

Team pahnihin goal dang an khung tawh loh avangin penalty shootout hmangin chak zawk zawn a ni a, Spurs rawlthar Anthony Georgiou chuan a pet goal loh avangin Barca hi 5-3 in an chak.

Player Inlan
Tottenham: Gazzaniga (Vorm 62); Aurier, Carter-Vickers, Davies, Walker-Peters (Sanchez 46); Amos, Sissoko (N’Koudou 35); Son, Eriksen, Moura (Georgiou 62); Llorente (Skipp 46)
Barcelona: Cillessen, Semedo (Palencia 46), Miranda (Cucurella 46), Marlon (Garcia 46), Lenglet (Cuenca 46), D Suarez (Perez 22, Tabla 70), Roberto (Collado 46), Gomes (Puig 26), Rafinha (Malcom 46), Arthur (Monchu 46), El Haddadi (Ruiz 46)