MTTA Ruby Jubilee hawng

Mizoram Table Tennis Association chuan kumin chhungin Ruby Jubilee an lawm chho dawn a, July 27 zan khan MTTA Hall, Mission Vengah a hawnna hun an hmang; Mizoram State Sports Council secretary C. Laltlanthanga chuan Ruby Jubilee Monument khuh hawnna hun a hmang.

Jubilee hi kumin chhungin kawng hrang hrangin lawmna neih tura ruahman a ni a, hemi pual hian district tinah, district huap TT tournament leh an hnuai district hrang hrang tan Inter District Table Tennis Champion's League buatsaih turin ruahmanna a kal mek bawk.

July thla laihawl khan Ruby Jubilee T Shirt zawrhchhuah turin an tlangzarh tawh a, hmachhawp zingah hian Jubilee Souvenir buatsaih telin kumin kum tawpah Ruby Jubilee kharna hun hman an tum bawk a ni.

MTTA hian anmahni pualin Hall ṭha tak an nei a, kum 40 chhung hian hlawhtlinna hrang hrang chang tawhin; Youth champion Lalrinpuia leh cadet leh sub junior huanga India number 1 hauh reng thei Jeho Himnakulhpuingheta te chu an chherchhuah langsar zinga mi an ni.