Ozil-a'n goal a khung

Season thar inbuatsaihna inkhelah Arsenal chuan Paris St-Germain 5-1 in an hneh a, goal hmahruai hi tunlaia chanchin ngah tak Mesut Ozil khung niin; substitute Alexandre Lacazette-a'n goal hnih a khung ve bawk.

Inrinni zan Singapore-a inkhelah Gunners rawlthar rual an khel ṭha a, defender Rob Holding leh Eddie Nketiah te pawhin goal an khung – French champion goal neihchhun hi Christopher Nkunku-a'n penalty aṭanga a khung a ni thung.

Arsenal manager thar Unai Emery-a'n Laurent Koscielny chu a captain tur a nih chian thu a sawi tawh a, mahse France international hi hliam vangin December thla thleng a chhawr theih dawn lo. Spanish manager hian an inkhel hmasa zawkah Aaron Ramsey chu captain armband a hrentir a, PSG lakah Ozil-a'n a hreng ve thung.

Italian goalkeeper Gianluigi Buffon chuan Ligue 1 champion PSG tan inkhel bul a ṭan a, Serie A champion Juventus captain hlui hian Alex Iwobi leh Pierre Emerick-Aubameyang te goal khung tur ṭha zetin a dan sak a, kum 40 mi Buffon hi minute 73-naah thlak a ni.

Player Inlan
Arsenal: Leno (Martinez 45), Bellerin, Sokratis (Nketiah 64), Mustafi (Holding 64), Kolasinac (Maitland-Niles 74), Elneny (Ramsey H-T), Guendouzi (Willock 74), Iwobi (Lacazette H-T), Mkhitaryan (Chambers 64), Ozil (Nelson 64), Aubameyang (Smith Rowe 64).
Paris Saint-Germain: Buffon, Georgen, Rimane, Nsoki, Mbe Soh, Diarra, Berndede, Rabiot, Toufiqui, Nkunku, Weah.