Russia Open champion Verma

Badminton season kal laia inelna pakhat Russia Open Tour Super 100 tournament chu Pathianni khan khelh zawh a ni a, India tlangval Sourabh Verma chuan Koki Watanabe hnehin a champion.

Kum 25 mi Verma hi hliam dam hlim a ni a, a hliam a dam tawh avangin tun inelnaah a khel ṭha hle. Sport Hall Olympic-a final inkhelah Japan tlangval nen an inkhel tawk hle, darkar khat an khelh tlin hnuah 19-21, 21-12, 21-17 in hnehna a chang.

Mixed doubles huangah pawh Indian shuttler ten final an khel phak. Mahse, Rohan Kapoor leh Kuhoo Garg te ṭangdun chu Vladimir Ivanov leh Min Kyung Kim te inkawp lakah 19-21, 17-21 in an tlawm avangin pahnihnaah an lungawi a ṭul.