Rooney-a'n goal a khung

Manchester United striker hlui striker Wayne Rooney chuan a club thar DC United tana a goal hmasa ber chu Colorado Rapids lakah khungin, nimin zing inkhelah 2-1 in hnehna a chanpui.

Kum 32 mi Rooney hian United tana a khelh­pui tawh keeper Tim Howard paltlangin goal hmasa ber a khung a, a hun ṭha dang vawi hnih erawh a dan sak thung. Rapids lamin Kellyn Acosta hmangin sut mah se hun tawp dawnah Niki Jackson-a own goal hmangin DC United an chak hram.

MLS Eastern Conde­ference team 11 inel zingah DC United hian point 17 hmuin a hniam ber an ni mek a, an chung chiaha awm Toronto FC chu point ngain an phak lo mek. Ben Olsen-a enkawl DC United hi match thumin an khel tlem zawk a ni.

DC United coach Ben Olsen chuan, "Hruaitu a nih bakah goal khung thei bik a ni a, a inpumpek ṭhin­na ang hi kan mamawh tak chu a ni," tiin a striker thar Rooney a fak hle.