Mizoram Cricket U25 squad an puang

Cricket Association of Mizoram chuan CK Nayudu Trophy khel tur Mizoram squad an puang. CK Nayudu Trophy hi BCCI hnuaia kum 25 hnuai lam inelna a ni a, nakkum January 14- February, 2022 chung hian khelh a ni dawn. Inelna hi multi day a ni a, match khat hian ni li zel a awh a ni.

Mizoram hi plate group-ah Bihar, Arunachal Pradesh, Meghalaya, Manipur, Sikkim leh Nagaland te nen an awm a, Ranchi-ah inelna hi an hmachhawn ang. CK Nayudu Trophy hi khawpui parukah khelh a ni dawn a, Ranchi bakah Nagpur, Hyderabad, Vijaywada, Mohali (Chandigarh) leh Jaipur-ah te khelh a ni ang.

Inelnaah hian professional player chhawr phal a ni lo a, mahni state player chiah chhawr theih a ni.