Bengaluru an chak thei lo

Indian Super League-a an match hmasa bera NorthEast United an hneh hnuah Bengaluru an chak leh tawh lo a, Thawhṭanni zan khan Jamshedpur nen 0-0 in an inhnehtawk leh ta.

Team pahnih tan goalkeeper Gurpreet Singh Sandhu leh TP Rehenesh an che ṭha takzet a, si ban nghaktu lansarhna inkhel a ni - keeper pahnih zingah Rehenesh a langsar hmasa zawk a, Bengaluru forward Cleiton Silva ball tauh a dan chu a ṭha takzet.

Jamshedpur tan season duhawm tak hmangtu Greg Stewart chu second half-ah a inlar ve leh a, mahse, Bangalore club defender-te a paltlang hnuah keeper ṭha mi Sandhu a paltlang thei lo.

Bengaluru-in goal khung beiseiin minute 72-naah Sunil Chhetri an luhtir a, mahse, tun season-a goal khung la nei lo striker lansarh hmain keeper Sandhu bawk a langsar.

Kum 29 mi keeper hian Peter Hartley leh Jordan Murray te hun ṭha neih chu ṭha takin a dansak ve ve a, Bengaluru tan an keeper hi lawmthu hrilh mawlh mawlh tlak a ni.

Bengaluru tan Chhetri-a'n a luh chhan hna thawk turin goal khungna remchang a nei a, mahse, a ball tauh chu Serie B club Avaia aṭanga loan-a Jamshedpur pantu centre back Alan Costa chuan lo dang perin bar a per.

Prince Ibara vanneih zan a ni lo - first half-a hun duhawm tak hlahtu striker hian Bengaluru tan point thum hlawhchhuah theihna remchang a nei a, mahse, Congo international hian keeper Rehenesh chetsual zara a chance neih duhawm chu a chhawr lo.

Hun tawp thlengin goal a lut lo a, team pahnihin point khata lungawi an zir - Jamshedpur tan Ricky Lallawmawma leh Laldinliana Renthlei ten inkhel bul an ṭan ve ve a, team tan an thawhhlawk hle.