Golden State an chak leh ta

Chetsual zeuh han nei ve mah se Golden State Warriors an chesual rei duh lo. Nimin zing NBA regular season inkhelah Warriors hian Sacramento Kings chu 113-98 in an hneh.

Warriors hian an match hmasa zawkah rin loh tak maiin Toronto Raptors an ngam lo, an chak loh hnua an match khelh leh hmasak berah erawh buaina lian tham an tawk lo, kumina a vawi 25 nan an chak.

Stephen Curry-a'n tha a thawh hlawk lehpek hle. American point guard hian minute 36 a khelh chhungin point 30 a nei a, an team zinga point nei hnem ber a ni. Draymond Green (16 points, 11 rebounds, 10 assists) chuan a thlawp ṭha hle.

Zirtawpni zingah Warriors hian Memphis Grizzlies an hmachhawn zui dawn, chumi hnuah Western Conference lama an elpui ber Phoenix Suns an inkhel zui leh dawn - Pathianni zinga Suns nen an inkhelh tur hi a pawimawh ang.

NBA Results
Philadelphia 76ers 108 - 103 Boston Celtics
Houston Rockets 118 - 133 Chicago Bulls
Oklahoma City Thunder 102 - 99 Memphis Grizzlies
Charlotte Hornets 102 - 112 Utah Jazz
Sacramento Kings 98 - 113 Golden State Warriors
San Antonio Spurs 116 - 92 Los Angeles Clippers