A vawi nga nan Isner

John Isner chuan a vawi nga nan Atlanta Open nomawi a chawi. Pathianni zana final khelhah Isner hian seeded pariatna Ryan Harrison chu 5-7, 6-3, 6-4 in a hneh.

American tlangval hian 2013-15 chhung khan Atlanta-ah hian vawi thum a champion hman a, 2016 khan final-ah Nick Kyrgios hneh lo mah se 2017 khan a vawi li nan title a la tawh bawk. He inelna bikah hian a hnampui Jimmy Connors, John McEnroe, Pete Sampras leh Andre Agassi te nen an record a intluk ta chiah.

Kum 26 mi Isner chuan, "Tennis ka khelh hun chhungin nomawi 14 ka chawina chiah a ni a, hun hlimawm ka tawng leh thei hi ka lawm hle. Ka champion hian September thla a khelh tur US Open atan inrintawkna min pek belh ngei ka beisei," tiin an rama Grand Slam hnuhnung ber an khelh tur a thlir nghal.