India tan Jeho-a'n bronze a la

Mizo naupang Table Tennis khel thiam Jeho Himnakulhpuingheta chuan, 2018 Jordan Junior & Cadet Open khelh zawh takah India tan team leh doubles huangah bronze medal a vaw chhuak.

ITTF Junior Circuit, Amman-a inkhelah Jeho-a'n a tir lamah inelna hmang ṭha viau mah se, singles pre quarterfinal-ah Chinese Taipei naupang 3-2 in a hneh lo a, an hneh ngai loh ram bawk hi team leh doubles huangah pawh an ngam lo a ni.

India number 1 Jeho-a chuan, "Thailand, Iran, Chinese Taipei, China leh Sweden te hi kan rualpuiah pawh an ṭha em em a, khelh an harsa ṭhin hle," tiin Vanglaini a hrilh a, hmasawn zel tura ṭan lak a tum thu a sawi bawk.

Ram tana medal tam tak vaw chhuak tawh Jeho-a hian inelna lian a hmachhawn zui leh dawn, August 13-18 chhung hian Asian Championship khel turin Myanmar-ah a feh chhuak zui leh nghal dawn a ni.