Man Utd an training leh ta

Manchester United chuan Covid-19 vanga kar liam taa training-na hmun Carrington an khar hnuah Thawhlehni aṭang khan an hawng. Hri leng vangin Man United hi Brentford leh Brighton & Hove Albion te nena an inkhel tur sawn a ni a, December 27, Thawhṭanni zanah Newcastle United nen St James Park-ah an inkhel ang.

Thawhṭanni khan Premier League chuan thuchhuah siamin Covid-19 hri thar omicron vanga buaina karah inelna kalpui a nih tur thu an puang. Ralf Rangnick leh a hote hian inelna chhunzawm a nih dawn avangin training an ṭan a, kumin chhungin Newcastle United bakah Brentford an la hmachhawn dawn a ni.