A chung berah Greenwood

Premier League 2019-20 season kal mekah Jamie Vardy-a'n goal 19 khung tawhin a la pet goal tam ber a, goal 17 khungtu Pierre-Emerick Aubameyang-a'n a dawt. Amaherawhchu goal shot aṭanga goal zawna kal zat percentage ṭha lak chuan Manchester United rawlthar Mason Greenwood record a ṭha ber.

Kum 18 mi Mason Greenwood hian shot vawi 21 a neihah vawi 12 target-ah a kal a, 57.1% goal zawnah a kal. Greenwood hian tun season-ah goal nga a khung tawh a, match kua khelh tur lamah goal engzat nge a khung ang tih erawh hunin a hril ang.

Greenwood hnuaiah chiah Emerson Palmieri a awm a, kum 25 mi Chelsea left back shot 53.8% chu target-ah a kal ve bawk. 

Top scorer ni lai Jamie Vardy erawhin goal khung tumin vawi 57 a pet a, heng zinga 30 hi goal zawnah kalin 52.6%  a tling pha a ni.