Bencic leh Jabeur ten hri an kai

Mubadala World Tennis Championship khel zo player zingah Covid-19 kai hmuhchhuah an awm zel. Rafael Nadal-a'n hri leng a kai hnuah hmeichhe player Belinda Bencic leh Ons Jabeur ten hri leng an kai tih an puang leh ta.

Nadal, Bencic leh Jabeur te hma hian, inelna an neih ṭan hmain Emma Raducanu chu hripui vang hian khung hran a lo ni tawh. January thla maiah season thar ṭan a ni dawn a, an tan training neih a buaithlak rih dawn.

Olympic champion Bencic chuan, "Covid-19 ka kai, vanneihthlak takin vaccine ka la pumhlum tawh hlauh. Ka inkhunghrang nghal a, a rang thei ang bera dam leh thuai ka beisei. Ka khua a sik a, lu a nat bakah thil tui tihna ka nei lo," tiin a sawi.

Kum la tawp chiah lo mah se tennis season thar atana inbuatsaihna a kal mek. January thla chawlhkar hmasa ber aṭangin Australia ramah hard court inelna hrang hrang an hmachhawn ṭan ang.