Man United-in ngai an awh ṭep - Ralf Rangnick

Manchester United manager lailawk Ralf Rangnick chuan Covid-19 vanga harsatna an tawh hnuah ngai an awh ṭep thu a sawi. Red Devils hian Thawhṭanni zan dar 1:30-ah Newcastle United an hmachhawn ang a, kumin chhunga an match hnuhnung ber atan December 30 zanah Burnley an mikhual leh ang.

German manager Rangnick chuan, "Ningani hi ni thum training kan neihna a ni a, Paul Pogba tih loh chuan training an zawm thei vek," tiin an dam kim hnaih thu a sawi.

Covid-19 vangin Man United hi ni 16 chhung an chawl a, player-te hi in lama training tura hriattir an ni. Rangnick chuan, "Covid-19 darh zel tur tihtawp nan training ground kan khar a. In lama training tura kan ngen angin an ti ṭha hle," tiin player-te dinhmun a ṭhat thu a sawi.

Man United hian vawiinah training an nei leh ang a, Krismas niah an chawl ang. Magpies an hmachhawn hmain Pathianniah training an nei leh dawn a ni.