Real Madrid-in kum 2021 an khar ṭha

Real Madrid chuan kumin chhunga an match hnuhnung berah Athletic Bilbao chu San Mamés Barria-ah 2-1 in an hneh.

Nilaini zan inkhelah hian mikhual team tan Karim Benzema a che ṭha a, French forward hian inkhelh ṭan aṭanga minute sarih chhungin goal hnih a khung hman.

Bilbao-in Oihan Sancet hmangin minute 10-naah siphurh sut ṭhen mah se goal dang hmuh tur a awm tawh lo. Los Blancos 2-1 in an chak.

Real Madrid hian match hnuhnung 15-ah hneh loh an tawng lo a, La Liga match 19 aṭangin point 46 hmuin hmahruaitu an ni mek. Carlo Ancelotti hote hian January 2 zanah Getafe an hmachhawn ang.