Murray tan Australian Open wildcard

Andy Murray chu Australian Open 2022 atan wildcard pek a ni. A ranking hniam mah se qualifer khelh hah ngai loin main draw atangin a inlan nghal thei dawn tihna a ni.

Kum 34 mi Murray hian tun hmain Melbourne khawpuiah hian sulhnu tha a lo nei tawh thin. Nikum khan inlan tum mah se Covid-19 a kai avangin a inlan thei lo, tun tumah chuan a inlan ngei a rinawm.

Australian Open final vawi nga lut tawh Murray chuan, "Melbourne Park-a min tantute hmaah match ropui tak tak ka lo khel tawh thin, inlan leh theihna remchang ka nei tur hi ka lawm takzet," a ti.

Tennis season thara Grand Slam hmasa ber tur Australian Open hi January thla chawhnu lam atanga khelh tur a ni ang.