Mizo tlangvalten urlawk zan an hmang fuh lo!

Nizan, urlawk zan khan Mizo player tamna Odisha FC chuan Indian Super League-ah FC Goa an hmachhawn a, Indian coach lar Derrick Pereira enkawlna hnuaia khel team nen hian 1-1 in an inhnehtawk.

Goan club tan Ivan Gonzalez chuan minute 42-naah goal hmahruai a khung hial a, mahse, Jonathas de Jesus chuan Odisha tan minute 53-naah si phurh a sut - hun tawp thlengin goal dang a lut lo a, 1-1 in an ṭin ta a ni.

Odisha tan defender Lalhrezuala Sailung, midfielder Isaac Vanmalsawma leh forward Jerry Mawihmingthanga ten inkhel bul an ṭan a, bench aṭangin Paul Ramfangzauva a lut bawk.

Krismas a nih avangin zaninah ISL inkhel a awm dawn lo a, naktuk zan dar 7:30-ah Kerala Blasters leh Jamshedpur an inkhel thung ang.

Inkhel Result

Odisha FC 1 - 1 FC Goa

OFC: Jonathas de Jesus 53'

FCG: Ivan Gonzalez 42'

Pic: Odisha defender Lalhrezuala Sailung