Everton an inkhel leh dawn lo

Covid-19 vangin Premier League an buai chhunzawm zel a, Pathianni zan dar 7:30-a Everton leh Burnley inkhel tur chu sawn a ni leh ta.

Everton boss Rafael Benitez chuan an inkhel tur sawn a ni lo chu a hriatthiam loh thu a sawi tawh a, Premier League chuan Merseyside club-in an inkhel sawn mai tura an ngenna chu ennawn lehin, sawn mai an rem tihsak ta a ni.

Spanish coach Benitez hian keeper pathum tiam lohin, senior player dam chiang pakua chiah a neih thu a sawi a, a bak zawng hi hliam leh Covid-19 avangin an inlan thei lo mek - a tawpah chuan sawnsak an ni ve leh ta.

Pathianni zana Premier League match khelh tur awm sawm aṭangin match thum chu sawn a ni ta tihna a ni a, Everton hma hian Liverpool leh Leeds United inkhel tur leh Wolverhampton Wanderers leh Watford inkhel tur pawh sawn a lo ni tawh.