Vawiin aṭangin I League khelh ṭan ni dawn

26th December, 2021

I League inelna chu vawiin aṭangin Kolkata-ah khelh ṭan a ni dawn a, chawhnu dar 2:00-ah Manipur club Trau leh Indian Arrows ten match hmasa ber an khel ang.

Tun season inelnaah hian team 13 an tel a, round khatah team pakhat an awl zel ang a, ni khatah match thum awmin round khat hi ni hnihah zawh a ni ang.

Tlai dar 4:30-ah Gokulam Kerala leh Churchill Brothers te an inkhel ang a, zanin dar 7:30 hian Rajasthan FC leh RoundGlass Punjab te an inkhel dawn.

NorthEast aṭanga I League nomawi chawi thei awmchhun Mizo club Aizawl FC chu December 27, Thawhṭanniah an inlan dawn. AFC hian an match hmasa berah Real Kashmir an hmachhawm dawn.

Mizo club hi champion rinkai zingah an tel pha a, chutihrualin an khingpui Real Kashmir hian I League ṭan hma hian IFA Shield-ah an champion a, tawh an khirh khawp ang.