Zaninah Blasters vs Jamshedpur
Krismas a zo a, Indian Super League lam chuan zaninah match an khel lehnghal dawn a, zan dar 7:30 hian tun hnaia harhtharna chang Kerala Blasters leh Jamshedpur FC an inkhel ang.
Mizo tlangval K. Lalṭhathanga khelhna Blasters hian tun season-a an league match hmasa pahnih aṭangin point hnih lek an hmu a, mahse, an insiamṭha tawh - a hnua match li an khelhah tlawm an nei lo. Vawi khat an draw a, vawi thum an chak.
Blasters hian tun hnaia an result avangin playoff khelh phak an sawi ri ve leh ta a, Hyderabad leh zanina an elpui tur Men of Steel (Jamshedpur sawina) te nen point 12 ṭheuh an hmu mek - point 15 neia hmahruaitu Mumbai City chiah an phak lo.
Zanina point 12 ve ve nei tawh team pahnih inkhel hi a hmuhnawm ang tih a chiang a, Jamshedpur lam hian Mizo defender ṭhiau, Laldinliana Renthlei, Ricky Lallawmawma leh PC Laldinpuia te an kawl.
Team Dinhmun
| # | Team | Pld | W | D | L | GF | GA | GD | Pts |
| 1 | Mumbai City | 7 | 5 | 0 | 2 | 17 | 10 | 7 | 15 |
| 2 | Hyderabad | 7 | 3 | 3 | 1 | 12 | 6 | 6 | 12 |
| 3 | Jamshedpur | 7 | 3 | 3 | 1 | 13 | 8 | 5 | 12 |
| 4 | Kerala Blasters | 7 | 3 | 3 | 1 | 12 | 7 | 5 | 12 |
| 5 | ATK Mohun Bagan | 7 | 3 | 2 | 2 | 16 | 15 | 1 | 11 |
| 6 | Chennaiyin | 7 | 3 | 2 | 2 | 6 | 7 | −1 | 11 |
| 7 | Odisha | 7 | 3 | 1 | 3 | 13 | 14 | −1 | 10 |
| 8 | Goa | 7 | 2 | 2 | 3 | 10 | 14 | −4 | 8 |
| 9 | NorthEast United | 8 | 2 | 1 | 5 | 10 | 16 | −6 | 7 |
| 10 | Bengaluru | 8 | 1 | 3 | 4 | 11 | 15 | −4 | 6 |
| 11 | East Bengal | 8 | 0 | 4 | 4 | 10 | 18 | −8 | 4 |
Pic: K. Lalṭhathanga