Krismas lawm nan Premier League inkhel!
English mipuiten Krismas chawlh an hman dan langsar tak pakhat chu inkhel en a ni a, Krismas zawh hnu ni hmasa ber, 'Boxing day' tia hriat lar, December 26-a inkhel tur phei chu an ngaihlu lehzual ṭhin hle.
Mahse, tun December thla tawp lamah Covid-19 vangin English football an talbuai leh hret a, inkhel tur sawn awm nual mah se zaninah en tur erawh a la awm nual dawn e.
Keini lamin ruaiṭheh ni, tia kan hriat larah hian Aizawl khawpui hmun tam zawkah chuan ruai ṭheh theih a ni lo a, Mizoram hmun dangah erawh an ṭheh nual thung.
Chutiang chiah chuan zaninah pawh Premier League club-te inlan tura tih vek ni mah se inkhel sawn ngai a awm nual a, English football fans zawng zawngin 'Boxing day' ah an team inkhel an en thei dawn lo.
Liverpool vs Leeds United leh Wolverhampton Wanderers vs Watford inkhel tur chu sawn hmasak an ni a, tun hnaiah Burnley vs Everton chu sawn a ni ve leh bawk.
Mahse, league hmahruaitu Manchester City chuan zanin dar 8:30 hian Leicester City an mikhual dawn a, Foxes hi European football beiseitu leh team ṭha an nih avangin inkhel a hmuhnawm ang.
Tun hnaia top four inhlangkai Arsenal chuan zanin dar 8:30-ah vek Norwich City an lenchilh dawn a, Gunners fan-ten Krismas hman zawh hnu lawka lawm lohna tur neih an duh dawn lo.
Steven Gerrard enkawlna hnuaiah Aston Villa-in harh tharna an chang a, an league match hnuhnung palia vawi khat chiah chak thei Chelsea an mikhual tur hi en a châkawm tawh hle - anni hi zan dar 11:00-a inkhel tur an ni thung.
Manchester United fans tan naktuk nghah leh phawt a la ngai dawn a, zan dar 1:30-ah sum ngah thar Newcastle United an lenchilh dawn - Krismas lawmna lama meng rim deuh tan chuan en a har mai thei!
Inkhelh hun sawn
Liverpool vs Leeds United
Wolverhampton Wanderers vs Watford
Burnley vs Everton
Zanin Inkhel Tur
Manchester City 8:30 PM Leicester City
Norwich City 8:30 PM Arsenal
Tottenham Hotspur 8:30 PM Crystal Palace
West Ham United 8:30 PM Southampton
Aston Villa 11:00 PM Chelsea
Brighton & Hove Albion 1:30 AM Brentford
Newcastle United 1:30 AM Manchester United
Team Dinhmun
| # | Team | Pld | W | D | L | GF | GA | GD | Pts |
| 1 | Manchester City | 18 | 14 | 2 | 2 | 44 | 9 | 35 | 44 |
| 2 | Liverpool | 18 | 12 | 5 | 1 | 50 | 15 | 35 | 41 |
| 3 | Chelsea | 18 | 11 | 5 | 2 | 39 | 12 | 27 | 38 |
| 4 | Arsenal | 18 | 10 | 2 | 6 | 27 | 23 | 4 | 32 |
| 5 | West Ham United | 17 | 8 | 4 | 5 | 28 | 21 | 7 | 28 |
| 6 | Manchester United | 16 | 8 | 3 | 5 | 26 | 24 | 2 | 27 |
| 7 | Tottenham Hotspur | 15 | 8 | 2 | 5 | 18 | 19 | −1 | 26 |
| 8 | Wolverhampton Wanderers | 18 | 7 | 4 | 7 | 13 | 14 | −1 | 25 |
| 9 | Leicester City | 16 | 6 | 4 | 6 | 27 | 27 | 0 | 22 |
| 10 | Aston Villa | 17 | 7 | 1 | 9 | 23 | 25 | −2 | 22 |
| 11 | Crystal Palace | 17 | 4 | 8 | 5 | 24 | 24 | 0 | 20 |
| 12 | Brentford | 16 | 5 | 5 | 6 | 21 | 22 | −1 | 20 |
| 13 | Brighton & Hove Albion | 16 | 4 | 8 | 4 | 14 | 17 | −3 | 20 |
| 14 | Everton | 17 | 5 | 4 | 8 | 21 | 29 | −8 | 19 |
| 15 | Southampton | 17 | 3 | 8 | 6 | 16 | 26 | −10 | 17 |
| 16 | Leeds United | 18 | 3 | 7 | 8 | 18 | 36 | −18 | 16 |
| 17 | Watford | 16 | 4 | 1 | 11 | 21 | 31 | −10 | 13 |
| 18 | Burnley | 15 | 1 | 8 | 6 | 14 | 21 | −7 | 11 |
| 19 | Newcastle United | 18 | 1 | 7 | 10 | 18 | 41 | −23 | 10 |
| 20 | Norwich City | 17 | 2 | 4 | 11 | 8 | 34 | −26 | 10 |