CA chief executive a bang

Cricket Australia chief executive Kevin Roberts-a'n coronavirus vanga harsatna a hmachhawn danah sawiselna a tawh nasat avangin a hna chelh lai aṭangin a bang. Kum 47 mi Roberts hian Cricket Australia hnuaia hnathawktute chu 80% in an hlawh a ti hniam a, dem a hlawh hle.

Kevin Roberts hian October 2018 khan kum 17 chhung chief executive hna chelh tawhtu James Sutherland a thlak. Roberts ban takah chuan English mi Nick Hockley-a'n a thlak lailawk ang. Hockley hian Australia-in T20 World Cup an thlen turah chief executive hna a chelh.

April thla khan Australia-ah National Rugby League CEO Todd Greenberg leh Rugby Australia CEO Raelene Castle te an bang tawh a, Roberts hi Australia rama infiamna lian hotu bang pathumna a ni.