Boxing day-ah goal ruaipui an ṭheh!

Manchester City-in Premier League champion nih an tum tih goal hmangin an pholang leh ta a, table chung bera an hmahruaina tisang zual turin Leicester City lakah goal ruk an khung.

City hian nizan khan an mikhual Foxes chu 6-3 in an lo hneh a, anmahni hnaih bertu Liverpool chu Covid-19 vanga an inlan theih bawk si loh avangin point ruk laiin table chung berah hma an hruai fal ta.

Pep Guardiola enkawl team hian Kevin de Bruyne, Riyad Mahrez (penalty), Raheem Sterling leh Ilkay Gundogan goal hmangin minute 25 chhung lekin 4-0 in hma an hruai hman.

Mahse, second half-ah Foxes hian James Maddison, Ademola Lookman leh Kelechi Iheanacho hmanga chhangletin 4-3 a ni hman a, inkhel boruak chu pui tak a ni.

Etihad Stadium-ah team ṭha zawk danglamna a lang zui a, City-in an goal thumna an chhuah aṭanga minute linaah Aymeric Laporte chuan mualneitu team tan goal a khung a, Sterling-a'n minute 87-naah penalty hmanga khung lehin 6-3 in an chak.

Foxes manager Brendan Rodgers-a'n inkhel a thlirkir ang a, 5-3 a nih laia Marc Albrighton-a'n uiawm taka a tauh goal loh kha a ui zual ngei ang.

Inkhel Results

Manchester City 6 - 3 Leicester City

MAN: Kevin de Bruyne 5'; Riyad Mahrez 14' (P); Ilkay Gundogan 21'; Raheem Sterling 25' (P), 87'; Aymeric Laporte 69'

LEI: James Maddison 55'; Ademola Lookman 59'; Kelechi Iheanacho 65'

Norwich City 0 - 5 Arsenal

ARS: Bukayo Saka 6'; 67'; Kieran Tierney 44'; Alexandre Lacazette 84' (P); Emile Smith Rowe 90+1'

Tottenham Hotspur 3 - 0 Crystal Palace

TOT: Harry Kane 32'; Lucas Moura 34'; Son Heung-Min 74'

West Ham United 2 - 3 Southampton

WHU: Michail Antonio 49'; Said Benrahma 64'

SOU: Mohamed Elyounoussi 8'; James Ward-Prowse 61' (P); Jan Bednarek 70'

Aston Villa 1 - 3 Chelsea

AST: Reece James 28' (OG)

CHE: Jorginho 34'(P), 90+3' (P); Romelu Lukaku 56'