Denver chakna Jokic

Nikola Jokic-a point 26 neih hmangin Denver Nuggets chuan Los Angeles Clippers chu 103-100 in an hneh.

Denver player-te an khel tha rual. Jokic bakah hian Will Barton, Davon Reed, Austin Rivers leh Monte Morris te chuan point 10 an nei tling vek.

Nimin zing NBA regular season inkhel dangah Cleveland Cavaliers chuan Toronto Raptors lakah 144-99 in hnehna an chang.

Cleveland tan Kevin Love chuan tun season bika a vawi khat nan inkhel bul a tan a, point 22 neiin a team a chak pui.

Cavs hian an match hnuhnung pariat atangin vawi sarih hnehna an chang thei.

Memphis Grizzlies chu a zawna vawi thum an chak loh hnuah an chak ve leh ta. An khingpui Sacramento Kings lakah 127-102 in an chak; Kings hi season kal laia an chak loh chian ber tum a ni hial.