Hyderabad an chak nuamsa

Nizan Indian Super League inkhelah Hyderabad chuan 6-1 ngawtin Odisha FC an sawp a, Hyderabad tan Bartholomew Ogbeche chuan goal hnih a khung.

Nigeria international hlui bakah hian Edu Garcia, Javier Siverio leh Joao Victor ten Hyderabad tan goal khat ṭheuh an khung a, Hector Rodas chuan an lamah a tih luh bawk avangin Hyderabad lamin goal ruk an khung.

Hyderabad centre back Juanan chuan minute 16-nah an lamah a ti lut a, a tawi zawnga sawi chuan an khingpui goal khung pawh

Hyderabad hian a khungsak!

Odisha tana Juanan-a'n 'own goal' a neih hian Odisha si phurh a sutsak a, 1-1 a ni chiah. Inkhel inhnehtawk tak kan hmu zui dawn emaw kan ti a, mahse, Hyderabad lamin goal nga an khung belh a, 6-1 in an chingfel der.

Defender Lalhrezuala Sailung leh Isaac Vanmalsawma ten Odisha tan bul an ṭan a, bench aṭangin Isak Vanlalruatfela rawn lut bawk ah se danglamna a thlen phak lo.

Inkhel Result
Hyderabad FC 6 - 1 Odisha FC
HYD: Hector Rodas (OG) 9'; Bartholomew Ogbeche 39', 60'; Edu Garcia 54'; Javier Siverio 72'; Joao Victor 86'
ODI: Juanan 16' (OG)

Zanin Inkhel Tur
ATK Mohun Bagan 7:30 PM FC Goa