Lakers chak ve leh ta

A zawna match nga an tlawm hnuah Los Angeles Lakers an chak ve leh ta. Lakers hian nimin zing khan Houston Rockets chu 132-123 in an hneh.

Lakers tan LeBron James chuan point 32 a nei a, rebound leh assist vawi 11 ve ve nei bawkin hnehna an chan theih nan a thawh hlawk hle.

Russell Westbrook pawhin triple-double a nei, 24 points, 12 rebounds leh 10 assists neiin a thawh hlawk hle bawk. Malik Monk (25 points) leh Carm lo Anthony (24 points) te chu mimala che tha zinga mi an ni bawk.

Jalen Green-a'n point 24 neiin Rockets tana hming langsar a ni a, mahse chak pui nan a tawk zo lo - tun hnaiah a zawnin vawi nga an tlawm ta.

Inkhel dangah Stephen Curry-a'n record ropui a siam. Curry hi NBA player zinga 3-points siam hnem ber a ni chhunzawm zel a, mahse a club Golden State Warriors chu Denver Nuggets lakah 89-86 in an chak lo.