Arsenal lakah Man City vannei

Manchester City chuan Emirates Stadium-ah Arsenal 2-1 in an luh chhuah.

Pep Guardiola naute hian a zawnin Premier League match 11 chhung hnehna an chang a, table-ah point 11 bawkin hma an hruai fal - champion turin an dinhmun an sawhnghet.

Gunners tana Bukayo Saka goal khung chu penalty atangin Ryad Mahrez-a'n a sut a, hun tawp dawnah Rodri chuan chakna goal a khung lo.

Goal khat ve ve an neih laiin Arsenal defender Gabriel chu hnawhchhuah a ni. Inkhel tir lamah Martin Odegaard chuan penalty hlawhah inngai mah se pek a ni lo.

Penalty pek loh, red card leh Man City penalty pek danah Gunners an lawm lo, a tawpa lawm leh vannei zawk chu Pep-a naute an ni.