Curry-a'n record siam chhunzawm zel

Stephen Curry chuan a zawnin 3-points a neih chhunzawm zel. Basketball inelna sang berah hian a zawnin match 158 chhung chu 3 points a nei ta a, ama mimal reocrd ding lai chu a sawhnghet belhchhah zel a ni.

Curry-a record siam lai hi kum 2016 November aṭanga a siam ṭan tawh kha niin, season kal laiah a la chhunzawm zel pawh a rinawm. Curry-a point 28 neih hmangin Golden State Warriors hian Utah Jazz chu 123-116 in an hneh.

Inkhel dangah DeMar DeRozan chu Chicago Bulls chakna hnar a ni leh ta. DeRonzan hian hun tawp hamrik rik rualin point a nei a, a team hi Washington Wizards lakah 120-119 in hnehna a chanpui.

Indiana Pacers an hneh ṭumin DeRozan-a'n hun tawp hamrik rualin chakna basket a nei tawh a, basketball inelna sang berah a zawnin hun tawp dawnah a team a chakpui - NBA player zingah hetiang ti thei hmasa ber a ni hial.

Giannis Anteto-kounmpo-a'n season kal laia a vawi hnih nan triple-double a nei. All Star zinga vawi nga tel tawh Giannis hian 35 points, 16 rebounds leh 10 assists neiin Milwaukee Bucks chu New Orleans Pelicans lakah 136-113 in hnehna a chanpui.

NBA - Nimin Results
Phoenix Suns 133 - 99 Charlotte Hornets
Dallas Mavericks 95 - 86 Oklahoma City Thunder
Minnesota Timberwolves 103 - 108 Los Angeles Lakers

January 2, Pathianni
San Antonio Spurs 116 - 117 Detroit Pistons
Golden State Warriors 123 - 116 Utah Jazz
Miami Heat 113 - 115 Sacramento Kings
Chicago Bulls 120 - 119 Washington Wizards
New York Knicks 105 - 120 Toronto Raptors
Los Angeles Clippers 120 - 116 Brooklyn Nets
Orlando Magic 111 - 116 Boston Celtics
Denver Nuggets 124 - 111 Houston Rockets
Indiana Pacers 104 - 108 Cleveland Cavaliers