Niko Kovac an ban

Bayern Munich leh Croatia manager hlui Niko Kovac chu a team enkawl lai AS Monaco chuan an ban. Ligue 1 club hi kum 2020 July khan a zawm a, beiseina sang tak nei mah se tunah chuan an inṭhen a ngai.

Kum 50 mi Kovac hian Monaco hi match 74 a kaihruai hman; Ligue 1 table-ah parukna a nih pui, hmahruaitu Paris St-Germain an phak lohna chu point 17 zet a ni. Champions League khelh duh tan an elpui an phak lohna a sang mah mah.

AS Monaco hian manager thar an la nei nghal mai lo. Reserve team coach Stephane Nado chuan team a enkawl rih. Nizan khan French Cup khelin Quevilly-Rouen chu 3-1 in an hneh a ni.